Ихэнх бизнес эрхлэгчид хөрөнгө оруулалт хийх, санхүүжилт босгох, банкнаас зээл авахад хүндрэлтэй байгаад гомдоллодог. Санхүүжилт авахад яагаад хүндрэлтэй байдаг вэ?
Гэтэл бизнес эрхэлэгчид маань санхүүгийн тайланг бизнесийн үйл ажиллагаагаа үр ашигтай явуулах, хөрөнгө оруулалт, санхүүжилт татах, зээл авахад шаардлагатай гэдэг утгаар нь хардаггүй. Санхүүгийн тайланг зөвхөн татварын алба болон бусад төрийн байгууллагад заавал гаргаж өгөх шаардлагатай мэдээ, тайлан гэсэн өнцгөөс өрөөсгөл харах нь түгээмэл байдаг.
Ийм ойлголттой удирдлагатай компанийн бизнес бодит байдал дээр үр ашигтай боловч нягтлан бодох бүртгэлийн мэдээлэл дутуу, буруу бүртгэснээс үүдэн санхүүгийн тайлангаар алдагдалтай, бизнес нь ирээдүйгүй, хөрөнгө оруулалт хийхэд эргэн нөхөгдөх баталгаагүй гэсэн дүгнэлт гардаг. Алдагдалтай, ашиггүй бизнесүүдэд хөрөнгө оруулалт хийх, санхүүжилт босгох боломжууд хаалттай тодорхой билээ.
ГЭРЭЛТ СУЙХАН ХХК 